DUGANG NGA PWERSA | 208 ka mga membro sang Philippine Army gikan sa iban nga dibisyon, igadeploy diri sa 3rd ID

Jamindan, Capiz- May yara sang kabug-osan nga dugang nga 208 ka mga membro sang Philippine Army gikan sa iban nga dibisyon ang igadeploy diri sa 3rd Infantry Division nga nahamtang sa Camp Peralta sa banwa sang Jamindan.
Ang mga ini ang maga-augment sa anti-insurgency kag anti-terrorism campaign sang 3rd Infantry (Spearhead) Division sa kabilogan nga rehiyon sang Western kag Central Visayas.
Sa amu nga numero nga 208 ka mga dugang nga suldado, 54 diri ang halin sa 4th Infantry Division; 131 ang halin sa 6th Infantry Division; kag 23 naman ang halin sa 7th Infantry Division.
Maluwas diri, ang nasambitan nga dugang nga tropa ang ginasigahom nga maga-asister sa nagkatuhay nga Local Government Units sa area para sa paghatag sang nagakaigo nga serbisyo sa komunidad.
***(Photo:Philippine Army Spearhead Troopers)***

Facebook Comments