ILOILO City – Mas mapasanyog pa ang beautification program sang city government.
Ini bangud magaabot ang dugang nga truck nga may water tank nga gamiton sa pagpamunyag sang mga tanom sa palibot sang syudad.
Ginmanduan ni mayor Jose Espinosa III si city agriculturist Romulo Pangantihon nga pasanyugon pa ang ila trabaho sa pagdugang sang equipment agud mapaayo ang pagtubo sang mga nagakalaya nga tanom sa esplanade kag diversion road area.
Sa karon ginpantanuman na sang beautificatioin program personnel ang mga may damage ukon nagkalamatay nga tanum nga lugar.
Panawagan ni Pangantihon indi man paglapakon sang mga tawo ang mga tanom.
Pasalig sini wala nila ginapabay-an ang mga tanom kundi gin-atake lamang sang peste ang mga ini gani nagkalamatay.
Facebook Comments
