Dugang water pumping stations lauman

11

Davao City – Ginalauman nga magdugang og water pumping stations dinhi sa dakbayan sa Davao.

Sa eksklusibong pakighinabi kang Davao City Water District (DCWD) spokesperson Bernard Delima, gibutyag niini nga apil sa ilang plano nga magdugang og pumping stations samtang ginahulat mahuman ang Tamugan River water system ug giklaro nga wala silay espesipikong numero kung pila kabuok.

“Naay mga on-going nga production railings to increase the number of wells sa Dumoy Water District,” gisugilon niini.

Gipasabot ni Delima nga naga-concentrate sila sa Dumoy Water System gumikan naga-supply kini sa 65% sa Davao nga gikan sa Ulas paingon sa Sasa lakip ang R. Castillo ug Buhangin ning syudad.

Samtang giklaro sa tigpamaba sa DCWD nga wala silay ipagula una nga mga lugar kung asa tukuron ang mga dugang pumping stations aron malikay sa mga espekulasyon ingon man dautang motibo sa usa ka indibidwal.

Sa kasamtangan, adunay 40 ka mga production wells sa Brgy. Dumoy, 3 sa Brgy. Tugbok, 3 Sa Brgy. Panacan, 3 Brgy. Cabantian, 1 sa Brgy. Riverside, Calinan ug uban pa.

RadyoMaN Jason Amisola

Facebook Comments