DUGTUNGAN

KAPULISAN, HUGTANONG GIPAKUSGAN ANG AWARENESS DRIVE PROGRAM KALABOT  SA UNDAS 2018
  HUGTANONG gipakusgan sa Iligan City Police Office (ICPO) ang information drive program niini  gamit ang social media kalabot sa umaabot nga “KALAG-KALAG 2018”.  Sumala sa maong ahensya, ginadili ang pagdala og mga hait nga hinagiban sulod sa  sementeryo, pagdala og mga ilimnong makahubog sama sa alak ug pagbaligya, pagdala og  baraha ug ubang gamit sa sugal ug lakip na ang pagdala og speakers kun sound system.  Gi-abisohan usab ang katawhan nga magdala og payong, kalo isip pananggalan sa init sa adlaw  ug ulan, saktong pagkaon ug ilimnong tubig, lakip na ang pagdala og kaugalingong plastik o  supot aron kabutangan sa mga kaugalingong basura niini.   Samtang, kagahapong adlawa, natunolan ug tabang sa RMN DXIC ang mga pamilya nga  naapektuhan sa sunog sa may Purok 4 Fuentes Barangay Maria Cristina ning dakbayan sa Iligan. Mga ukay-ukay gikan sa Hanna dry goods ang nadawat sa mga biktima sa sunog ug laing mga  used clothing gikan sa mga concerned citizen.
Dako ang pasalamat sa maong mga residente sa mga mitunol kanila ug mga hinabang lakip na  ang mga gihatag nga radio sets ning sibyaan,
Una nang mihatag ug mga tabang ang lokal nga pangagamhanan sa dakbayan sa Iligan kun asa  mga pagkaon ug mga sanina ang nadawat sa mga biktima. Nagpaabot pa usab ang mga biktima sa sunog  kun asa sila marelocate gumikan kay sa karon,  wala na silay mabalikan nga panimalay nga gilamoy sa kalayo.