Duha biktima sa pagbuno gindala sa ospital

NEGROS OCCIDENTAL – Duha ka mga biktima sang pagbuno sa magkatuhaw nga insidente halin sa Southern Negros ang gindangat sa Corazon Locsin Montelibano Memorial Regional Hospital kagab-I kag kaina sang kaagahon.

Una nga biktima nakilala kay Rezaldy Lebin, 42 anyos, kasado kag residente sang Brgy. San Teodoro, banwa sang Binalbagan.

Natabo ang insidente may mga las 7 kagab-i sa ila man lamang lugar kon diin suno sa asawa sang biktima nga ini siya ang gindul-ong na lamang sa ila balay sang iya kaupod sa inom kag nagsiling nga ini ang ginbuno sang wala makilala nga suspek.


Nag-angkon sang duha ka pilas sa dughan, duha sa likod kag pilas sa iya tuo nga kamot ang biktima.

Sa banwa sang Valladolid, biktima man sang pagbuno si Jonathan Penol, 52 anyos, single kag pumuluyo sang Brgy. Zone 4 sang amo nga banwa.

Natabo ang insidente may mga las 12:20 kaina sang kaagahon sa Brgy. Zone 3, Valladolid kon diin suno sa hinablos sang biktima, may isa ka lalaki nga nag-hakus sa iya tiyo kag hinali na lamang ini nga ginbuno./dyHB BACOLOD

Facebook Comments