Duha biktima sa pagpamusil, samdan!

25

Lake Sebu, South Cotabato – Samdan ang duha ka tawo sa nahitabo nga pagpamusil sa duha ka suspek niaging hapon sa may Sitio Upper Bleboy, Barangay Talisay, Lake Sebu, South Cotabato.

Sa gihimong imbestigasyon sa Lake Sebu Municipal Police Station, giila ang mga biktima sa pangalang Evelyn Esgrina Ecorido, 42 anyos, housekeeper ug Johanis Marcellana Concolis, 50 anyos, laborer, parehong mga minyo og residente sa Sitio Upper Bleboy, Barangay Talisay, Lake Sebu, South Cotabato.

Giila usab ang mga suspek na silang Ariel Escorido Mozones, 37 anyos, minyo ug John Escorido Pingoy, 39 anyos, ulitawo og parehong mga mag-uuma nagpuyo sa samang lugar.

Dugang imbestigasyon sa Lake Sebu PNP, nagbaktas sa dalan ang mga biktima nga bag-o ra nahuman sa ilahang pagpa-uga sa humay sa solar drier sa nahisgutang lugar.

Samtang anaa na atubangan sa panimalay ang biktimang si Evelyn, gikalit og pusil sa suspek na si Ariel igo sa tuong bahin sa bati-is,

Nag-reload og bala ang suspek og gipusil si Johanis igo sa iyahang tiyan.

Human sa insidente, nangayo og tabang ang mga biktima sa ilahang mga silingan apan mibunlot og kalibre sa armas ang laing suspek na si John apan wala nakapabuto.




Gidala ang mga biktima sa Javelosa Hospital, Surallah, South Cotabato alang sa medikasyon.

Pipila ka oras ang nilabay, mi-surender sa kapolisan ang suspek na si Ariel dala ang gigamit niyang armas samtang si John padayong gipangita sa kapolisan.

Gidala sa presinto ang suspek og ang motibo matod pa sa nahisgutang krimen mao ang personal nga away sa mga nalambigit.

Gi-andam na karon sa Lake Sebu PNP ang kaso na ipasaka batok sa suspek ngadto sa piskalya.

(Photo for illustration only)
For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 62382564_306158340265057_5479982278006276096_n-1024×684.jpg]

Facebook Comments