Duha biktima sang pickpocket sa downtown Bacolod

BACOLOD CITY – Duha ka kaso sang pickpocket ang halos magkasunod nga natabo kahapon sa separado nga lugar diri sa ciudad sang Bacolod.

Nagpadulong sa Police Station 1 ang biktima nga si Agnes Lacson, 59 anyos, residente sang Celine Homes Subdivision, Brgy. Estefania, Bacolod City agud magreklamo nga may mga las 5:35 kahapon sang hapon ini siya ang nagsakay sa jeep nga may biyahe Fortunetown-Central Market.

Sa pag-abot sa dalan Cor. Araneta Luzuriaga, iya nadiskubrehan nga gin-slash ukon gin-gisi na ang iya itom nga bag kag wala na ang iya wallet nga may unod P1,000 pesos.


Samtang, isa pa ka biktima nga nakilala kay Vicshanne Mark Pano, 18, sang Stone Haven Residences, Brgy. Granada ang nagpa record man sa pulis nga ini siya ang na-pickpocket may mga las 6 kagab-i sa isa ka kalan-an sa Bacolod downtown area.

Suno sa biktima nga samtang ini siya ang yara sa sulod sang kalan-an iya na notice nga bukas na ang iya bag kag didto iya nadiskubrehan nga wala na ang iya cellphone nga naga balor sang kapin P18,000 pesos./dyHB BACOLOD

Facebook Comments