Duha dakop lakip na ang isa ka minor, isa nakapalagyo sa drug buy bust sa Mansilingan kagab-i

BACOLOD CITY – Duha ang nadakpan lakip na diri ang isa ka menor de edad samtang nakapalagyo naman ang isa ka suspek sa ginpatigayon nga drug buy bust operation kagab-i sa Purok Cabugwason, Brgy. Mansilingan, Bacolod City.

Ang mga subject ginkilala nga sanday Christian Cerbo, 23 anyos, Alyas Tenot Bantigue, legal ang edad kag ang isa ka 17-anyos nga bata nga lalaki.

Ginpatigayon ang buy-bust may mga las 11:10 kagab-i sang mga katapo sang Drug Enforcement Unit sang Police Station 7.


Nakuha sa mga suspek ang kapin 3 ka sachet sang suspected shabu kag mga drug paraphernalia.

Si Cerbo detained karon sa custodial facility sang Police Station 7, nakapalagyo naman si Alyas Tenot samtang ang menor de edad ang ginturn-over sa Social Development Center./dyHB BACOLOD

Facebook Comments