Duha dakpan sa buybust ops, granada narekober

General Santos City— Dakpan sa gipahigayong buybust operation sa Polomolok Police Station ang duha ka mga suspek, alas 5 pasado ang takna sa gabii sa may National Hihgway Sa Prk. 1, Crossing Palkan, Polomolok, South Cotabato.

Giila ni Police Senior Inspector Romeo Albano Jr. Deputy station commander sa Polomolok PNP ang mga suspek nga silang Abdul Mantawil, 20 anyos nga taga Prk. 8, Polonuling ug Omar Manguisulan, 24 anyos nga taga Prk. 1, Sumbakil.

Sumala pa nga nakuha gikan sa ilahang posisyon ang duha ka sachet sa gituuhang shabu, usa ka libo ka pesos nga marked money ug duha ka fragmentation granade.


Dugang pamahayag ni PSI Albano nga si Mantawil ang adunay pending nga kaso human kining malambigit sa pagpatay kang CPL. Lemuel Gatinao. Samtang si Manguinsulan ang adunay kasong theft.

Wala man usab sa ilahang watch list ang duha ka mga target sa operasyon kung asa mga newly identified drug personality ang mga nahisgutan. Kasong pagsupak sa R.A 9165 ug R.A 9516 ang atubangon sa mga suspek nga kasmatangang anaa sa lock up cell sa Polomolok PNP.

Facebook Comments