Usa ka kamandoan ang gipagawas ni Mayor Rosalina Jalosjos pinaagi sa Executive Order No 31 nga mao pagsuspenso sa gintrabahuan sa kagamhanang lokal sa syudad Dapitan sulod sa duha ka mga adlaw sugod karung adlawa, Oktubre 21 hangtod 22 ugmang adlawa aron sa paghatag ug lugway sa disinfection sa tagsatagsa ka mga buhatan sa LGU Dapitan.
Ang maong lakang nahitabo aron sa pagseguro sa kaluwasan sa tanang mga empleyado ug katawhang publiko batok sa sakit nga corona virus.
Sanglit adunay pipila ka mga empleyado ang giisip nga secondary contact sa usa ka empleyado kinsa adunay direktang kontak sa pasyente nga ika-135 nga gikompirma nga nagpositibo sa kaso nga Covid-19.
Tungod niini, nadesisyunan ni Mayor Nene Jalosjos nga gikinahanglan ang pagpahigayon sa pagdisimpekto sa tanang mga buhatan sa lokal nga pangagamhanan aron mapakgang ang pagkuyanap sa maong makatakod nga sakit diin anaa na ang pipila ka mga panghitabo sa local transmission sa atong lokalidad. (CID-chichai)
*-30-*
