Duha ka APOR nga wala mokooperar sa IATF, pahamtangan og disciplinary action

24

Pagadian City – Posible nga kasohan sa Inter Agency Task Force (IATF) sa Pagadian ang duha ka Authorized Person Outside of Residence (APOR) nga nagpostibo sa Covid-19 nga nagdumili sa pagtug-an sa insaktong impormasyon ngadto sa mga contact tracer.
Sa interview sa DXPR kang Dr. Noel Ceniza dako ang kahiguyanan nga mag-atubang sa reklamo ang magti-ayon nga mga pulis kun magdumili gyud pag-kooperar sa IATF.
Gani nagpasar og resolution ang IATF sa syudad nga pahamtangan og disciplinary action ang duha ka pulis gumikan sa ilang pasupak sa protocol.
Nasayran nga nabisto ang ilang lakaw dihang naglusad na og contact tracing ang kapulisan og dinhi nasayran nga nisalmot pa kini sa team building nga gihimo sa lungsod sa Tabina ug nakabisita usab kini sa lungsod sa Tukuran.
Hinoon ang mga pasyente nga gireklamo nga taga- Lenienza ning syudad naka-isolate na niining panahona .

Facebook Comments