Duha ka bata nga na-missing sa sunog sa Lapu-lapu City sa Cebu, napalgan nang abo

Napalgan nang abo ang unang gikataho nga duha ka mga bata na na-missing sa
miigo nga dakong sunog sa barangay Pajo, dakbayan sa Lapu-Lapu sa Cebu
kagahapon .

Ang magsuon nga nagpangedaron og usa ka tuig ug tres-anyos nakit-an sa mga
bombero ganihang buntag sa Sitio New Paradise sa naasoy’ng barangay diin
nalamoy sab sa maong sunog ang ilang gipuy-an nga balay diin gituohang
nagsugod ang maong sunog .

Sa gihimong imbestigasyon sa kabomberohan, posporo nga giingong giduwaan sa
mga bata ang gitumbok nga hinungdan sa miigo nga sunog nga niabot sa tulo
ka oras ang pagpawong niini ug niabot sa 400 ka balay ang naugdaw .


Kasamtangang gipabilin una ang mga nasunogan sa Pajo National High School
ug Elementary School isip evacuation center samtang padayon sab silang
giatiman ug gihatagan og assistance sa barangay .

<www.avg.com/email-signature?utm_medium=email&utm_source=link&utm_campaign=sig-email&utm_content=webmail>

Facebook Comments