Duha ka batan-ong gipusil-patay posibleng dayo

Davao City – Posibleng taga-Trading Boulevard, Davao City, ang duha ka batan-ong gipamusil-patay sa wala mailhing suspek niadtong alas 11:20 Huwebes sa gabii sa Padre Gomez St. corner Mabini St., Brgy. 33-D, sumala ni Barangay 33-D Kapitan Wilfredo Moscare human nahinabi sa DXDC RMN Davao.

Segun ni Moscare, walay record sa iyang barangay nga nalambigit sa kawat kining duha ka biktima ug nagtoo si Moscare nga dayo lamang kini sa iyang lugar.

Gipasabot ni Kapitan Moscare, sa maong lugar diin didto nahitabo ang pagpamusil maoy sagad ginatambayan sa mga batan-on ug mga binabaye matag gabii nga boundary sa Barangay 33-D ug Barangay 34-D.

Hugot usab ang pagbantay ug pagmonitor sa mga opisyales sa Barangay, Barangay Tanod sa Barangay 33-D, human sa duha ka insidente sa pagpanglungkab ug pagpangawat sa usa traysikad sa maong lugar.

RadyoMaN Don Pulayao

Facebook Comments