Talisay City – Duha ka bulan nga lapsag nga lalaki nga bata sang ginapatihan miembro sang New People’s Army (NPA) ginbilin sa isa ka balay sa Sitio Ambulong, Brgy. San Fernando, Talisay City.
Sa impormasyon nga nakuha sang DYHB sa 79th Infantry Battalion (IB), nagpadulong ang tropa sang gobyerno sa nasambit nga lugar pasado las-2:00 kaina sang kaagahon, Enero 13, bangud may yara sang report sang armado nga grupo.
Apang ang naabtan sang militar isa ka lapsag. Suno sa 79th IB, duha ka babaye kag duha ka armado nga kalalakin-an ang nagbilin sang lapsag.
Ginkumpirmar man sang militar nga NPA member ang iloy sang lapsag nga nagbun-ag sang Noviembre 2020 nga si Alyas Sandy.
Ara na sa paghinakop sang kapulisan ang tag-iya sang balay nga gintiniran sang mga rebelde kag ginpankig-angotan na sang 79th IB ang City Social Welfare and Development Office (CSWDO) sang Talisay City para sa kustodiya sang lapsag.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
