DUHA KA COLLECTOR, GINHOLD-UP NA, GINPANGBUNO PA.

Duha ka collector sang isa ka lending company ang ginhold-up pasado alas 7:30 kagab-i (Pebrero 23) sa barangay Buhang, Jaro.
Ginpahayag nga nagasakay sa motorsiklo ang duha ka biktima pasulod sa isa ka subdivision agud mag-remit sang ila collection apang ginbanggaan sila sa entrance sang tatlo ka mga suspek nga nagasakay man sa motorsiklo.
Gintayaan ang mga biktima sang 45 kalibre nga pistola kag kutsilyo sang mga suspek kag nagdeklarar sang hold-up.
Subong man, madasig nga nagdalagan ang duha agud magpalagyo apang ginlagas ang mga ini sang mga suspek kag ginpangbuno.
Bangud sini, nakaagum sang madamo nga pilas ang duha ka biktima kon sa diin isa sa ila ang napilasan sa atay kabangdanan nga medyo kritikal ang kahimtangan sa West Visayas State niversity Medical Center kag ginpaidalum sa operasyon samtang ang isa ang ginbulong sa emergency room sang amo man nga ospital.
Wala man sang may nakuha nga kuwarta sa ila ang mga suspek nga gilayon nagpalagyo matapos mabun-an ang mga biktima.

Facebook Comments