Sumala pa ni LTJG Winston Gonzales, CGDSEM spokesperson nga natala ang maong drowning incidents sa gikan sa Hagonoy Davao del Sur ug usa sab sa Island Garden City of Samal (IGACOS), Davao Del Norte.
Sa report usa ka alyas Adie nga residente sa Kaputian District, IGACOS ang nakabsan atol sa Easter Sunday April 20, 2025 human naligo kini sa lawom kun gikonsiderang ‘No Swim Zone’ nga bahin sa Tinago Beach, Barangay Pangubatan, (IGACOS).
Gisuwayan pa og salbar ang maong biktima pinaagi sa pag-CPR ug pag-dala sa pinakaduol nga hospital apan gideklarang dead on arrival sa attending physician.
Samtang, kabsan sab sa kinabuhi ang senior citizen human nalumos niadtong Biyernes Santo April 18, 2025 sa Leling Beach Resort, Hagonoy, Davao del Sur nga giilang si alyas Erni, 75 anyos ug residente sa Kidapawan, North Cotabato.
Sa report, gawas sa kainit sa panahon, giingong nakainom ang biktimang senior citizen ug gituohang giatake sa hypertension rason sa iyang pagkalumos gani gisuwayan sab kini og dala sa hospital apan gideklarang nakabsan sab sa kinabuhi.
RadyoMaN Kareen Beltran
