Duha ka empleyado sa gobyerno, dakpan sa buy-bust sa PDEA-12

Handcuffs

General Santos City–Arestado sa gihimong buybust operation sa PDEA 12 ang duha ka empleyado sa Sarangani Medical Center pasado alas 3:00 sa hapon sa Barangay Maribulan, Alabel, Sarangani Province.

Sumala kang Kath Abad, tigpamaba sa PDEA 12 nga target sa operasyon ang usa ka Rio Carl Acebedo, admitting staff sa Sarangani Medical Center kung asa kapin bulan usab kining gipa-ilalom sa surveillance hangtud nga gihimo ang operasyon.

Nakuha gikan sa iyahang posisyon ang ubay-ubay nga sachet sa gituuhang shabu ingon man buy-bust money. Dugang pamahayag ni Abad nga human madakpan si Acebedo, nagpahigayon sila ug follow up operation nga miresulta sa pagkasikop sa gika-ingong source niini sa illegal nga droga nga nailang si Samuel Tupas, driver ug Job Order sa Sarangani Medical Center sa Probinsya sa Sarangani.


Ayha matud pa nagtrabaho isip driver si Tupas, daan na kining nahilambigit sa illegal nga droga. Samtang si Acebedo ang newly identified nga lambigit sa illegal nga aktibidad. Sa karon, ang mga dinakpan ang anaa sa kustudiya sa PDEA 12 ug napasakaan na ug kasong pagsupak sa Section 5 ug Section 11 sa Republic Act 9165.(LVR)

Facebook Comments