Duha ka fishing boats gindakup sang mga otoridad sa syudad sang Cadiz

15

Dakop sa Joint Seaborne Patrol Operations sang BFAR-6, Fishery Resource and Protection Group (FRPG) Negros Occidental, PNP-Maritime Group kag Philippine Coast Guard ang duha ka mga fishing boats sa shoreline sang Cadiz Viejo, Cadiz City kahapon sang hapon.

Nadakpan sang mga otoridad ang isa ka unmarked fishing boat nga ginapanag-iyahan ni Antonio Albarina Jr. sang Prk. Kabuguason, Brgy. Zone 3, Cadiz City, kag ginadala ni Benjie N. Caballero, 44-anyos sang Salmon B, Brgy. Zone 6, kag ang FBCA SHINA-K nga ginapanag-iyahan naman ni Cerena V. Pangue sang Brgy. Zone 6, kag ginadala ni Efren G. Velasques, 39, sang Brgy. Zone 6, lunsay sang Cadiz City.

Nakit-an ang duha ka fishing boats nga naga-tow sang trawl fishing gears. Sang gin-inspekyon ang mga fishing boats, nakapakita sang mayors permit ang kapitan sang unmarked fishing boat samtang wala naman sang mapakita nga dokumento ang kapitan sang FBCA SHINA-K.

Nakumpiskar sa mga crew ang fishing boards, duha ka fishing nets (trawl) nga temporaryo nga ginkustodiya sa Coastguard Station sang Cadiz City kag ang isa ka tub sang assorted fish nga nakuha kay Boat Captain Caballero nga balor sang P1,500.00 kag Ten (10) kilos sang assorted fish gikan kay Boat Captain Velasques nga balor sang P500.00 ang ginturn-over sa CDRRMO sang Cadiz City.

Magapangatubang ang mga crew sang fishing boats sang paglapas sa Section 95 (Use of Active Gear in municipal waters) kag Section 113 (Employing Unlicensed Fisherfolks) sang R.A. 8550 as amended by R.A. 10654 ukon Philippine Fisheries Code of the Philippines.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments