Sultan Kudarat—Nailhan na sa kapulisan ang duha ka mga suspetsadong gikaingong sakop sa ISIS-Inspired Group nga napatay sa kapulisan sa check point sa Tacurong City niadtong nakalabayng adlaw.
Giila ang mga suspek nga silang si Badrudin Buan Singgol ug Esmael Montak Kusain, pulos residenti sa Shariff Aguak, Maguindanao.
Nasayran nga positibong giila sa ilang pamilya ang duha ka mga suspek diin ila na karon nga gikuha ang patayng lawas sa mga nasangpit.
Kahinumduman nga una nang nakadawat ug report ang Tacurong PNP nga matud pa adunay palutson nga Bomba sa Tacurong city mao nga gipakusgan gilayon sa kapulisan ang ilang mga check point.
Naispatan sa kapulisan ang kolor gray nga multicab nga gisakyan sa mga suspek, kalit matud pa kining nag Uturn dihang nakit-an ang kapulisan sa Barangay Kapingkong Road mao sila nag duda.
Dihang gisuwayan sa kapulisan nga gukdon ang mga nasangpit nagpabuto ang mga suspek mao nga nakigpinusilay nalang ang kapulisan nga hinungdan sa pagkaigo sa mga suspek.
Narekober ang usa ka IED, pusil ug Flag sa ISIS sa multicab nga gisakyan sa mga suspek.
