MANAPLA – Duha ka mga hinablos ang ginpanglabo sang ila tiyo sa Brgy. San Pablo, banwa sang Manapla pasado las 8 ang takna kagab-i.
Nakilala ang mga biktima nga sanday Rex Matahum, 19 anyos kag Reggie Empuesto, 20 anyos ang edad, lunsay residente sang Brgy. San Pablo sang amo nga banwa.
Suno sa iloy sang biktima nga si Rex, naglalisay ang magtiyo bangud wala ini sila nag-inintiendihanay sang ila tiyo nga si Nelson Anastacio.
Pahayag sang iloy nga wala gid sila naglaum nga magaresulta ini sang pagpanglabo sang suspek.
Si Rex nag-angkon sang pilas sa iya ulo samtang si Reggie naman may pilas sa duha niya ka tudlo sa wala nga kamot.
Lunsay gindala sa Corazon Locsin Montelibano Memorial Regional Hospital ang mga biktima.
Facebook Comments
