Duha ka indibidwal nadakpan gumikan sa iligal nga sugal nga swertres

Bayog, Zamboanga del Sur – Wala naabtan sa resulta ang duha ka indibidwal nga nagpataya sa iligal nga sugal nga swertres human nadakpan sa mga kapulisan didtung dapita sa Bus Terminal, Brgy. Poblacion, Bayog, Zamboanga del Sur alas 12:30 ang takna sa niaging hapon April 9, 2022.
Ang maong operasyon sa mga kapulisan ang neresulta sa pagkasikop sa duha ka mga suspek nga sila si Jerry Ma-Ala Peconada 42-anyos; ug Metlinda Ma-Ala Marmojada, 42-anyos, pulos minyo ug mga resedente sa naasoy nga barangay.
Nukumpiska gikan ni Peconada ang mga paraphernalia sa maong sugal, pusta nga 1,260 ug 50 ka pesos nga mark money.
Samtang gikan sa posesyon ni Marmojada ang mga gamit usa sa maong sugal ug 710 nga pusta.
Ang duha ka dinakpan ang gikostodya sa buhatan sa CIDG- ZDS- PFU, Camp Maj Reginaldo C Abelon, Lumbia, Pagadian City, Zamboanga del Sur alang tukmang disposisyon.
Facebook Comments