Arestado sa mga tinugyanan sa balaod ang usa ka suspetsado sa pagpanglugos kini human sa gihimong operasyon sa hini-usang element sa Siayan MPS ug sa Naawan MPS, Misamis Oriental PPO didto sa brgy. Tuboran, Naawan, Mis. Or.
Malampuson nga nasikop si Pedro Sumambod Mañacap, 52 anyos, nagpuyo sa Sitio Tagaytay, Brgy. Muñoz sakop sa lungsod sa Siayan.
Bitbit sa mga kapulisan ang warrant of arrest nga gipagula ni Judge Reymar L. Lacaya sa Br. 11, 9 rtc, Sindangan may kalabot kini sa duha ka ihap sa kasong Statutory Rape ug duha ka ihap sa kasong Rape.
Ang dinakpan tanggong na karon sa bilangguan aron sa pagserbisyo sa kasong gipasaka batok kaniya.
Sa laing bahin laing pinangita sa balaod sa kasong pagpanglugos ang naaresto usab sa gihimong operasyon sa kapulisan sa Mutia MPS, Piñan MPS ug San Fernando MPS didto kini sa Purok 3, Brgy. Bonacao, San Fernando, Bukidnon.
Naaresto nila si Berson Agapay Sumagang, 56 anyos nagpuyo sa maong dapit.
Si Berson aduna kini tanggong nga warrant of arrest gikang sa lamesa ni Judge Yolinda C. Bautista sa kasong rape penetsahan kini ug Pebrero 1, 2007, walay pyansa nga gerekomendar ang korte ngadto sa dinakpan.
Sa pagkakaron himas rehas na sulod sa balay bilangguan ang dinakpan.
