Duha ka konsehal sa syudad, kampante sa performance ni Col. Tuzon

22

General Santos City– Kuntento ang duha ka opisyal sa Gensan sa sa performance ni Police Colonel Gilberto Tuzon ang bag-ong City Director sa Gensan City Police Office. Matud pa ni City Councilor Richard Atendido ug City Councilor Atty. Jeng Gacal nga nalipay sila sa performance ni Col. Tuzon tungod kay sulod sa tulo ka bulan sa iyang trabaho isip labaw sa kapulisan sa dakbayan wala nay nahitabong pagpamusil patay sa syudad nga hinimoan sa riding in tandem criminal ug uban pang mga krimen.

Nahimong epektibo ang mga programa nga gimugna ni Col. Tuzon kung asa maayo na ang dagan sa peace and order sa dakbayan pasabot lamang nga nagtrabaho gayud ang kapulisan. Dugang sa duha ka mga opisyal sa syudad nga andam kanunay ang lokal nga panggamhanan sa Gensan nga musuporta sa unsa mang programa sa kapulisan nga makatabang sa kalambuan sa syudad.

Nanghinaot na lamang sila nga unta sa pagsaulog sa kapaskuhan walay mahitabong krimen sama nalang sa pagpangawat, pagpatay pagpangarnap ug uban pang krimen aron nga ma-enjoy sa katawhan ang pagsaulog sa kapaskuhan nga malinawon bisan pa man nga gapabilin ang bahad sa kalaban nga dili makita nga mao ang Covid-19. (RV)


Facebook Comments