Duha ka labaw sa kapolisan sa South Cotabato gipulihan

South Cotabato – Duha ka mga labaw sa unit sa kapolisan sa probinsya sa South Cotabato ang gipang-relieve sa ilahang katungdanan atol sa gipahigayon nga Turn-over of Command gipangunahan ni Police Colonel Jemuel Sioson ang Provincial Director sa South Cotabato Police Provincial Office.

Kahibaw-an nga gipulihan ni Police Major Jardi Mont Sibal si Police Lt. Col. Celestino Daniel isip Force Commander sa South Cotabato Provincial Mobile Force Company.

Si PMaj. Sibal nagsilbi usab nga concurrent Chief sa Provincial Intelligence Unit sa SCPPO.


Samtang, si PCapt. Sherwin Panaguiton maoy mo-gunit sa responsibilidad isip hepe sa Sto. Niño Municipal Police Station human gi-relieve si PMaj. Ian Bagot.

Gidumalahan usab ni PCapt. Panaguiton ang 2nd Company sa SCPMFC.

Ang nahisgutang turn-over of command gisaksihan sa mga myembro sa Advisory Council, Regional Director sa TESDA 12 ug DSWD 12, ingon man mga opisyales sa munisipyo.

Sa mensahe sa duha ka seremonya, gihatagan og gibug-aton ni PCol. Siason ang panginahanglanon alang sa padayon nga suporta ug kooperasyon sa mga kawani sa mga bag-ong pamunuan ug ang kahinungdanon sa maayong pakigtambayayong sa LGU ug uban pang private stakeholders.

Gihatagan usab og importansya sa Provincial Director ang kahinungdanon sa adbokasiya sa bag-ong Chief PNP, ingon man usab sa mga gikan sa iyang kaugalingong gihimo nga mga programa nga tanan nga nahiangay gikan sa taas ug gihimo sa SCPPO.

Gipahayag usab ni PCol. Siason ang iyang pagpasalamat sa nahimo sa parehong outgoing officers ug giawhag usab ang mga nanambong nga mga kawani sa kapolisan nga kanunay naa sa saktong dalan pinaagi sa paghimo og mga maayong butang labi sa tanan.
Photo Credit to South Cotabato PPO
For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 120304580_335023394449827_4471412354713322366_o.jpg]

Facebook Comments