Duha ka laborer, Phil Navy member sikop sa droga

111

Davao City – Nasikop sa Sta. Ana Police Station atol sa buy bust operation ang aktibong membro sa Philippine Navy alas 8:00 sa gabii atubangan sa NCCC Panacan siyudad sa Davao.

Ang dinakpan mao si PO2 Rusty Villaflores Gonzales, 44 anyos, minyo ug residente sa km. 12 Sasa, Davao City.


Narekober gikan sa dinakpan ang nagkalain-laing gidak-on sa pakete nga shabu lakip ang usa ka sako nga mitimbang og 7 gramos nga mokantidad sa dul-an P100, 000.00 lakip nakumpiska ang mga identification cards, cellphone ug bisikleta nga maoy gigamit sa iligal nga transaksiyon.

Gikonsidera ang dinakpan nga usa ka High Value Target.

Samtang dakpan usab sa kapolisan sa managlahing buy-bust operation ang duha ka laborer diin unang nasikop sa Sta. Ana Police Station mao si Alden Utong Mahamud, 36 anyos, residente sa Purok 8B, Brgy. 31-D ning siyudad.

Nakuha gikan sa suspek ang upat ka pakete nga shabu ug estimated street market value P5,000.00 ug usa ka cellphone nga gigamit sa iligal nga transaksiyon.

Laing dinakpan sa buy bust operation sa San Pedro Police Station alas 8:50 sa gabii sa Quimpo Boulevard si Norberto Dela Cruz, hamtong and edad, residente sa maong lugar.

Gikan sa suspek ang usa ka sachet nga shabu kambiyo ang P3,500.00 isip mark money.

Laing usa ka pakete sa shabu usab ang narekover sa pitaka niini ug usa ka cellphone.

Mga dinakpan pasakaan og kasong kalapasan sa R.A. 9165 (Comprehensive Dangerous Drugs Act of 2002).

RadyoMaN Don Pulayao

Facebook Comments