Dakop sa buy bust operation sang Regional Drug Enforcement Unit ukon RDEU ang duha ka lalaki nga subject sang buy bust operation subong lamang nga gab-i (Mayo 20).
Ginkilala ang mga arestado nga sanday Mark Oliver Tolentino, 38 anyos sang banwa sang Oton, Iloilo kag si Ronald Sabarillo, 34 anyos sang Zone 13, Calaparan, arevalo.
Suno kay Police Lt. Paul Vincent Pendon, team leader sang RDEU nga una nga gintransaksyon sang poseur buyer ang subject nga si Mark Oliver Tolentino kon sa diin nabaklan ini sang isa ka sachet sang suspected shabu sa balor nga isa ka libo ka pesos.
Subong man, nag-inquire pa gid ang pulis kon diin pa makabakal sang dugang nga druga kag gintudlo sini si Sabarillo nga gilayon nga gindakop sang mga pulis.
Facebook Comments
