Duha ka lalaki dakup sa druga kag iligal posisyon sang armas luthang

23

Dakup ang duha ka lalaki sa ginpatigayon nga joint drug buy bust operation sang Police Station 2 kag Bacolod City Drug Enforcement Unit (CDEU) pasado las Sies sang gab-i, Mayo 31 sa atubangan sang isa ka mall sa Araneta St., Barangay Singcang syudad sang Bacolod.

Ginkilala ang mga nadakpan nga sanday; Antonio Enrique Locsin IV alyas “Quad”, 22 anyos sang Barangay Zone 7 syudad sang Talisay kag Paolo Togle alyas “Pao-pao”, legal ang edad sang Banahaw St., Barangay Villamonte syudad sang Bacolod.


Ang duha ang madugay na nga gina-monitor sang kapulisan bangud sa pagbaligya sang iligal nga druga.

Suno sa Team Leader sang CDEU sa interview sang DYHB, matabo kuntani ang transakyon nga pagbaklanay sang shabu sa area sang Barangay 2 apang posible nga natalupangdang sang mga suspek nga may katapo sang operatiba sang kapulisan kag didto may natabo nga paglagsanay sang salakyan asta nga ini sila ang na-intercept sang otoridad sa Dalan sang Araneta.

Nakuha sa ila nga posisyon ang lima ka sachet sang suspected shabu nga nagabug-at sang 15 gramos kag ginabulubanta nagabalor sang 212 ka libo ka pesos (P212,000).

Na-recover man sa mga suspek ang ginasakyan nga Crosswind Isuzu nagadu-ag puti kag .38 cal. nga armas luthang nga may duha ka bala.

Ang duha ang detinado subong sa custodial facility sang Police Station 8.




[image: image.png]

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments