Duha ka lalaki nadakpan sa buy bust operation

25

Pagadian City – Dakpan ang duha ka lalaki gumikan sa pagpamaligya sa illegal nga drogang shabu atol sa gilusad nga buy bust operation pinaagi sa tropa sa Station Drug Enforcement Team sa Purok Pagang, Kawit, Pagadian City.
Giila ang nadakpan nga sila si Mark John Gepanao Parojinog, 30-anyos, usa ka welder, residente sa Monsignor, Brgy. Balangasan ug Jeremiah Flores Chavez, 23-anyos, taga- Purok Lower Lomboy, Tuburan, ning dakbayan pulos bag-ong nakarga sa Watchlist.
Nakumpiska gikan sa posisyon sa mga suspek ang walo ka pakite sa gitoohang “shabu” ug P500 nga buy bust money.
Sumala sa kapulisan ang shabu nga narekober gikan sa mga dinakpan mobalor sa 4,500.
Ang mga suspek pulos nag-atubang sa kasong paglapas sa Republic Act 9165 “Comprehensive Dangerous Drugs Act of 2002” nga karon gipaslak na sa Pagadian City Police Station Detention Cell.(RadyoMaN Kenneth Bustamante)
Photo Courtesy to Pagadian City PNP

Facebook Comments

From Advertisers