Pagadian City – Gipriso ang duha ka lalaki human nakuhaan og shabu sa gilusad nga buy-bust operation sa Purok Riverside, Barangay Balangasan ning syudad sa Pagadian.
Giila ang nadakpan nga sila si Rejie Teledorio, 26-anyos (Tricycle driver) ug Jerry Boy Lariosa, 43-anyos (Tambay), susamang residente sa nasangpit nga lugar.
Niabot pa sa usa ka bulan ang gihimong pagpa-niid sa otoridad una hingpit nga nahulog sa mga kamot sa kapulisan ang mga suspek.
Nakuha sa ilang posisyon ang pito ka pakete sa gitoohang shabu ug ang gigamit nga marked money.
Kasong paglapas sa Akta Republika 9165 kun Comprehensive Dangerous Drugs Act of 2002 ang giatubang sa mga dinakpan.
Facebook Comments
