Pagadian City –
Pulos samdan ang duha ka lalaki nga nagpinusilay sa Pajares Avenue, Purok Malinawon, Brgy. Santiago ning syudad sa Pagadian alas 10:30 Kagabii.
Giila ang biktima nga si FREDERICK SOTTO TEJANO, hamtong ang panu-igon, residente sa Purok Malinawon,Brgy. Santiago, samtang nailhan ang suspek nga si VICTOR CAMPAÑA TUMBOK, 46 -anyos, empleyado sa fish port u lumulupyo sa Purok Osmeña, Brgy. Santo Niño, ning dakbayan.
Sa inisyal nga imbestigasyon nasayran nga samtang nabaktas ang biktima sa Pajares Avenue kalit kining gipusil sa suspek gamit ang calibre 45 nga pistola.
Ang biktima naigo sa wala niyang suwang ug wala nga paa ug nahulog sa simento apan nakahimo pa kini sa pagmaniobra ug nilanit sa iyang armas dayon gipusil ang suspek.
Tungod niini, naigo ang suspek tiyan.
Ang traffic personel sa Pagadian City Police Station nga gipangunahan ni PM.SG Nelson Macatipon nagpahigayon sa pagpatrolya ug maoy nakadala sa biktiam sa hospital ug nakuha sa iyang posisyon ang usa ka unit sa calibre 45 nga pistola nga dunay usa ka magazine.
Samtang ang nga nisibat sakay sa XRM nga motorsiklo nadakpan sa intelligence personnel ug gidala usab balay tambalanan.
Nakuha sa dapit nahitabu-an ang pito ka basiyo sa bala ug laing duha ka buhing bala sa calibre 45.
Personal nga bangi ang gisundan nga motibo sa kapulisan.
