DUHA KA LALAKI NGA NAFLAG-DOWN SA CHECKPOINT, GIPASAKAAN NA OG KASO

14

[image: IFM 919 Logo (1).jpg]
GIPASAKAAN na og kasong may kalabutan sa Republic Act (RA) 10591 kon Comprehensive law on Firearms and Ammunition og RA 9165 kon Comprehensive Dangerous Drugs Act of 2002 ang duha ka mga lalaki nga nadakpan sa checkpoint nga gahupot og armas og ginadiling droga.
Giila ang mga nahisgutan nga sila si Edmark Gecain Ribe, 31, minyo og residente sa Upper London, Bawing samtang ang laing usa mao si Juanito Mayor Perez, 48, minyo og lumulupyo sa Purok 8, Katanganwan ning dakbayan.
Base sa report gikan sa Makar Police Station, nga naflagdown kining duruha sa gipahigayong checkpoint sa may Purok Mohammad, Labangal kon diin mibalibad nga magpacheck ang nahisgutan driver nga si Ribe ngadto na sa iyahang motor nga Rusi kulay itom nga dunay plate # nga 180-335.
Apan sa dihang giabrihan na ang maong u-box, didto nakita ang usa ka caliber 45 nga pistol nga dunay 8 ka mga buhing bala.
Samtang ang kauban niini nga si Perez ang nagpakaron-ingnon nga nangihi sa daplin sabay itsa sa 2 sachet sa gituohang shabu.
Sa karon, nagtingkagol na ang mga nahisgutan sa selda sa Makar PNP.

Facebook Comments