Wala maka-ipsot ang duha ka mga igsoon sa drug buy bust operation nga gilunsad sa Carmen Police station kagabie sa Gaabucayan Street ning syudad sa Cagayan de Oro.
Si Carmen Police Chief, Chief Inspector Ian Borinaga mipa-ila sa duha ka mga suspect nga silang Johnny Oriola, 24 anyos ug Kurt Uriola, 18 anyos nga taga Gaabucayan Extension ning syudad.
Matud ni Borinaga nga mga alas 7:45 kagabie ilang gilunsad ang drug buy bust operation sa maong dapit ug malampusong nadakpan ang duha ka mga suspects.
Nakuha gikan sa mga suspitsado ang suspected SHABU nga mokabat sa 0.003 grams nga dunay market value nga 500 pesos.
Nakuha usab sa mga police ang buy bust money nga 500 pesos.
Ang maong mga suspects detinado sa Maharlika detention cell ug sa Lunes gikatakda nga pasakaan sila sa kasong drug pushing sa ilang pagsupak sa Republic Act 9165.
