Davao City – Mireklamo sa Talomo PNP si alyas Vangie, 24 anyos, nagpuyo sa Brgy. Matina, Davao City, tungod kay gidumog sa iyang kaubang masahista nga si alyas Jocel, 27 anyos, alas 2:30 sa kahaponon.
Sa blotter sa Talomo PNP, nag merienda ang biktima ug suspek apan wala kapugngi ni alyas Vangie nga sa kabusog nakapangdug-ab human og kaon.
Apan nasuko si alyas Jocel kay nagkaon pa kini ug ginganlan si alyas Vangie nga walay batasan ug respeto.
Gumikan sa ilang tinubagay misangko kini sa panagbugno sa duha rason sa pagkabaton og mga samad kinawrasan ug bun-og ni alyas Vangie hinungdan nga iyang gipa blotter sa kapulisan.
Ang kaso sa duha gi refer sa barangay aron didto husayon ang ilang agrabyo.
RadyoMaN Erin Lumosbog
Facebook Comments
