Davao del Sur – Ginaimbestigan pa karon sa kapolisan sa Sta Cruz kalabutan sa gikatahong inpormasyon nga dunay menor de edad nga gituohang gilugos sa duha ka wa mailhing menor nga membro sa Sukarap gang.
Sumala pa sa report gikan Sta Cruz PNP, dili pa nila mabutyag kung gilugos ang maong mga babaye rason nga ginainbestigahan pa kini sa mga police sa pagpanguna sa Women and Children’s Protection Desk.
Inisyal nga inbestigasyon matud pa, gikataho sa usa ka witness nga mao si Alyas Aj, 13 anyos pasado ala 1:00 ang takna sa kahaponon niadto kini sa seawall sa Sitio Pintuan Brgy Zone 1 ug didto nahitabo ang pagpanglugos sa mga menor de idad sa duha ka suspek nga at large pa karong panahona.
Sa karon naghulat pa ang kapolisan sa resulta sa medico legal kung nahilabtan ba gayod ang mga menor de edad.
RadyoMaN Don Pulayao
