Duha ka mga bag-ong kaso sa Covid-19, misugat sa dakbayan sa Malaybalay sa bag-ong tuig

20
Misugat sa dakbayan sa Malaybalay ang duha ka mga bag-ong kaso sa Covid-19 sa pagsulod sa bag-ong tuig 2022.

Kini basi sa taho nga gipagawas sa City Health Office (CHO)-Malaybalay adtong milabayng Sabado.

Duha ang bag-ong natalang kaso sa dakbayan adtong milabayng Sabado diin mi-ihap na sa kinatibuk-ang 4,276 ka mga indibidwal ang natakbuyan sa maong sakit.

Kini pa lang ang duha sa pinakaunang mga kaso human sa milabayng pila ka semana nga nag-zero cases ang dakbayan.

Gikatahaong usa ka 44 anyos nga babaye ug residente sa Purok-5, Barangay Casisang, Malaybalay City ang ika-4275 nga kaso samtang ang bana niini maoy ika-4276 diin gikatahong pulos empleyado sa gobyerno.

Mipahimangnu karon ang CHO-Malaybalay sa katawhan nga magmabinantayon ug magpadayon sa pagsunod sa mga minimum public health standards aron dili na mukatag ang sakit nga Covid-19.

Facebook Comments