Duha ka mga bata, patay sa sunog

57

Patay ang duha ka mga bata human na-apil sa sunog nga nahitabo sa Sitio, Panamucan, Brgy. San Jose, Malaybalay City, Bukidnon alas 9:05 kagabie niadtong Miyerkules (February 19, 2020).

Sa impormasyon nga gipadangat ni SINP Lyod Villaroya, ang city fire marshall sa BFP Malaybalay sa RMN Malaybalay gibutyag niini nga naila ang duha ka mga bata nga sila si Angel Grace Marcelino, 5 yrs old, babaye ug usa ka Devine Grace Marcelino, 7 anyos, babaye.


Dugang ni Villaroya nga gawas sa fatality walay nasamdan sa mao nga sunog.

Gisulayan pa matud pa sa mga silingan ug palong ang kalayo apan wala na kini natabang pa.

Gibana-banang anaa sa 8,750 ang damyos sa mao nga sunog.

Usa lang usab ka balay ang nasunog nga gipanag-iyahan ni Wilgie Marcelino.

Nasayran nga nag vigil ang ginikanan sa mga bata ug lampara ang gamit nga suga sa ilang panimalay.

Sa karon nagpahigayon pa ug imbestigasyon ang BFP Malaybalay mahitungod sa mao nga sunog.

Facebook Comments