Duha ka mga lalaki gipamusil sa Digos

17

Davao City – Gipamusil ang duha ka mga lalaki samtang nagbyahe nahitabo ala-1:30 sa kadlawon kagahapon sa Prk. 2 Brgy. Mahayahay Hagonoy, Davao del Sur.

Ang mga bitima naila nga sila si Artemio Dumdum Tabanao alyas Ogag, 35 anyos, minyo, laborer ug Marvin Cuico Amistad, 36 anyos, ulitawo, driver, pulos nanimuyo sa Purok 3-A Crossing Hagonoy, Hagonoy, Davao del Sur.

Sa inisyal nga imbestigasyon, nagsakay ang duha ka mga biktima og motorsiklo pauli sa ilang mga panimalay gikan sa haya sa maong lugar sa dihang kalit silang gipamusil sa wala mailhing mga suspetsado gamit ang wala matino nga armas.

Igo sa likod nga bahin si Tabao samtang naigo sa to-o nga bahin sa tuhod si Amistad ug nasayran nga personal nga kasuko ang motibo sa pagpamusil.

Padayong ginatambalan ang duha ka mga na-angol sa Davao del Sur Provincial Hospital sa Digos City samtang naglusad na og follow-up operation ang Hagonoy Municipal Police Station sa pag-identipika ug pagkaaresto sa mga suspetsado.

RadyoMaN Jason Amisola

Facebook Comments