Duha ka mga menor de edad, missing human nisulay og tabok sa suba

PC: RadyoMaN Jonathan Bullo

Duha ka mga menor de edad ang gipangita karon sa mga taga Oro Rescue human naanod samtang nitabok sa  suba sa barangay Macasandig ning syudad mga alas dos karong hapon.

 

Ang mga gipangita karon mao silang Ramram Paham, 14 anyos nga taga Barangay Carmen ug usa ka alyas Miggy, 12 anyos nga taga Calaanan, barangay Canitoan ning syudad.

 

Nasayran nga nangaligo kining duha ka mga biktima uban ang pito pa niini ka mga barkada.


 

Misulay sila og tabok sa suba gikan sa Tambo, Macasandig paingon sa Barangay Carmen nga area apan naanod sa tubig ang duha ka mga menor de edad.

 

Sa pagsulat ning balita, nagpadayon pa ang rescue operation sa lokal nga kagamhanan.

Facebook Comments