Roxas City, Capiz – Duha ka mga poluy-an ang nasunog pasado alas 9 kahapon nga adlaw sa Sitio Nasagud, Brgy Lanot, Roxas City. Ang mga ini ang ginapanag-iyahan nanday Nelson Sario kag Pastor Roble Cortel. Suno kay FO2 Don Anthony Falcis, matapos nga nakabaton sang panawag insigida nga nagresponde ang apat ka mga firetrucks sang Roxas City Fire Station apang bangud sa madasig nga paglapta sa kalayo, wala gid ini matabangan. Totally-burned ang poluy-an ni Sario samtang partially-burned ang balay nga ginapanag-iyahan nanday Pastor Roble Cortel. Samtang nag-angkon naman sang paso kag lapnos sa kalawasan si Nelson Sario nga sa subong ang ginabulong sa isa ka ospital matapos nga wala gilayon ini makaguha sa ila poluy-an. Suno sa impormasyon, ginbalik pa ni Sario ang wallet sini kabangdanan nga na-alang alangan na ini makaguha. Padayon pa ang imbestigasyon sang mga katapo sang BFP- Roxas sa ginhalinan sang sunog. Ginabanta nga nagalab-ot sa P800, 000 pesos ang baor sang kahalitan sang sunog.
