Duha ka mga soltero pinangkastigo, naospital

BACOLOD CITY – Duha ka mga soltero ang nakastiguhan sa separado nga insidente kagab-i diri sa ciudad sang Bacolod.

Una nga biktima ang 18 anyos nga si Rojie Flores, residente sang Purok Magsaysay, Brgy. 14, Bacolod City.

May mga las 2:10 kahapon sang hapon samtang ini nagalakat sa Yulos Park, Brgy. 14 hinali na lamang ini nga ginbanggaan sang ginaalegar nga si Bingo Barbosa, legal ang edad, pumuluyo man sang amo nga lugar kag ini siya ang ginsumbag.


Igo sa iya likod nga ulo ang biktima nga suno sa iya nagtuga ini sang iya kahadlok kag kasamaran.

Samtang, nabiktima man sang pagpangkastigo ang biktima nga si Patrick Melecio, 20 anyos ang edad, pumuluyo sang Purok Ganaan, Brgy.Mandalagan, Bacolod City.

Suno sa biktima nga may mga las 6:45 kagab-I sa atubang sang NOHS samtang nga ini siya ang nagalakat, na-tripan ini ang suspek kag hinali na lamang siya nga ginsumbag kag naigo sa iya tangkugo.

Ang amo nga mga biktima ang lunsay ginpangdala sa Corazon Locsin Montelibano Memorial Regional Hospital./dyHB BACOLOD

Facebook Comments