Duha ka membro sa kidnap-for-ransom group ang napatay sa usa ka engkwentro batok sa operatiba sa National Bureau of Investigation Iligan District Office (NBI ILDO) ug sa Anti Kidnapping Group (AKG), niadtong Biyernes sa hapon sa Barangay Bagumbayan sa Kauswagan, Lanao del Norte.
Giila ni Special Investigator Joey Robert Ajero, officer-in-charge sa NBI ILDO, ang duha ka suspetsado nga sila si Zainal Wahab Onding, 31 anyos, usa ka residente sa Lower Dansalan, Marawi City ug Naipodin Hosain, 23, residente usab sa Barangay Bualan, Wato-Balindong, Lanao del Sur.
Matud pa ni Ajero, nga niadtong Marso 10 sa dihang gi rentahan sa mga suspek ang maong sakyanan paingon dinhi sa dakbayan sa Iligan.
Mipick-up pa ug usa ka pasahero dinhi sa Iligan ug mibalik sa Saguiaran (Lanao del Sur) ug dinhi na mideklara ug kidnap.
Dugang pa ni Ajero nga midemand sila ug initial nga 50,000 pesos alang sa kagawasan sa maong driver apan walay labot ang sakyanan nga usa ka Toyoto Vios, gumikan kay mi demand sila ug dugang nga 70,000 pesos.
Ang maong biktima, pinaagi sa iyang pamilya, nakakuha sa maong initial nga kantidad nga gipangayo ug gi buhi-an.
Gipanghimakak usab niya nga usa kini ka family feud o rido.
Nagpakitabang siya sa mga otoridad ug gikasa ang maong operasyo sa nasabutang petsa, oras ug lugar sa pagbinayranay aron makuha ang iyang sakyanan sa Marso 15.
Sa Kauswagan nahitabo ang binaranay , apan sa dihang nakatiimaho kini nga police ang ilang ka transak, namusil ug una ang mga suspetsado.
Sumala ni Chief Inspector Gemma Corbita, head sa AKG Lanao del Norte, nga ila pang gitago ang identity sa maong biktima gumikan kay nagpadayon pa ang ilang manhunt batok sa mga naka ikyas nga mga suspects.
Matud ni Corbita nga ang maong grupo wala sa ilang rogue gallery.
Samtang sumala ni ICPO Director Senior Superintendent Michael Pareja nga ang sakyanan sa maong biktma nga na retrieved human sa maong engkwentro anaa karon sa costudiya sa PNP Crime Laboratory sulod sa CPO Headquarters alang sa dugang nga investigation.
