Duha ka mga tigpayuhot ug drogang shabu sikop sa kapulisan.

Dipolog City-Malampuson nga nasikop ang duha ka mga tigpayuhot ug illegal nga droga sa gihimong buy-bust operation sa Drug Enforcement Team sa Dipolog City Police Station didto sa may purok Buli, Minaog, Dipolog Citysa miaging lunes sa may 7:20PM partikular sa atubangan mismo sa Mt. Sinai Resort.

Ang mga dinakpan sila si Eulalio Ramones Gabales Alias “Laloy”, 43 anyos taga of Purok Dwarf Santan, Gulayon, Dipolog City ug si Cid Baroy Jimenez Alias “Jojo”, 47, residente sa Purok Bougainvillea, Brgy Biasong, Dipolog City kasamtangan usab nagtrabaho sa Provincial Disaster Risk Reduction Management Council (PDRRMC) ning probinsya.

Nakuha ang usa ka medium size Heat-sealed Transparent Plastic Sachet nga adunay sulod nga white crystalline Substance ug gituohang shabu, nakuha usab ang mark money nga P500, ug mga personal nga gamit.


Gibana-banang mo abot sa P20mil ang market value sa nakumpiska nga mga ginadiling droga. Sa pagkakaron pormal na kining nag atubang sa kasong paglapas sa R.A 9165 (Comprehensive Dangerous Drug Act of 2002)

Facebook Comments