Duha ka motor nagbangga, drivers patay

30

Davao City – Patay ang duha ka driver sa motor human nagbangga ang ilang mga motor sa Purok Sta.Cruz, Barangay Acacia Buhangin District alas- 4:35 sa hapon gahapon adlawa.

Kabsan sa kinabuhi diha diha si PFC Kirv Dave Simoy, 30 anyos, sakop sa 10th ID ug nagpuyo sa Lanang ning siyudad tungod sa kakusog sa impact sa bangga.

Samtang nadala pa sa Southern Philippines Medical Center ang wala mailhing laing driver apan gideklara ra gihapon nga dead on arrival sa miatender nga doktor sa mao nga balay tambalan.

Si Buhangin Pnp Traffic Investigator PO3 Aldrin Bacquial nagbutyag nga pareho naghaguros ang dagan sa mga motor sa mga biktima apan pag-abot sa blind curved sa lugar kalit mitipas sa pikas lane si Simoy ug tayming sab ang pagsulpot sa wala mailhing driver resulta sa pagsungag sa ilang mga motor.

Sa kakusog sa bangga pirting gubaa sa duha ka motor ug samtang nalagpot sab ang duha ka driver og pila ka metros.

RadyoMaN Joel Viray

Facebook Comments