Duha ka motor nagkabangga, usa patay

Mahayag, Zamboanga del Sur – Nitala sa usa ka patay ang panagbangga nga nahitabo didtung dapita sa National Highway, BRGY. Manguiles, Mahayag, Zamboanga Del Sur alas 10:30 ang takna sa niaging gabii December 20, 2021.
Gilangkoban sa duha ka motor ang maong disrasya nga mao ang Skygo, kolor itom nga gimaniho ni Toto Sangca-on Egol, 45-anyos, minyo, mag-uuma, kauban ang back rider nga si Jomar Sangca-on, 14-anyos, studyante, managsamang residente sa Purok 5, Kaangayan, Mahayag, Zamboanga Del Sur.
Laing usa ka single Motor Star, nga gimaniho ni Jundie Jemar Jaba, 18-anyos, angkas ang tulo nga sila si Catherine Ylanan Jongo, 13-anyos, Jawie Sumagang Mondido, 20-anyos, ug John Alwin Arong Calipes, 16-anyos, pulos mulopyo sa Purok Olib, Bogo, Kapalaran, Molave, Zamboanga del Sur.
Base sa rebelasyon sa mga nakasaksi nga galatas ang motor nga Skygo gikan sa Kaangayan, Mahayag, paingon sa lungsod sa Dumingag samtang ang Motor Star nga gimaniho ni Jaba ang gadagan sa
kasugat nga dereksyon.
Pag-abot sa dapit hitabuan nag-ikis-ikis ang walay headlight nga Motor Star nga gi-angkasan sa tulo nga nilahos sa pikas linya og aksedente nga nabangga sa kasugat nga Skygo.
Gumikan sa impak nangadaot and duha ka motor human kini nangatumba sa kalsada ug grabi ang mga samad sa ulo sa duha ka driver.
Nabali ang walang bitiis sa backrider nga si Catherine Ylanan Jongo og mga bun-og ang na-angkon ni John Alwin Arong Calipes.
Gidala ang mga biktima ngadto sa LTMPC Hospital, Poblacion, Mahayag, Zamboanga Del Sur alang sa daliang medekasyon apan gedeklara nga patay ang driver sa Motor Star.

Facebook Comments