Duha ka nagpatuong sakop sa media nga nangilkil sa tag-iya sa usa ka establishment, dakpan sa entrapment operation

Detinado karon sa Gingoog Police Station ang 50 anyos nga si Joven Ramos Alba, nga taga-Zone 8, Bulua ug Liza Ann Abas Ebahi, 22 anyos nga taga-Purok 3, Gusa ning syudad, human sila masikop sa gipahigayong entrapment operation.

Gibutyag ni Police Supt. Ariel Phillip Pontillas, ang hepe sa Gingoog Police Station nga nagpatuo ang duha nga mga sakop sa media kinsa nangilkil sa tag-iya sa King Fried Chicken nga si Maria Delia Paje, niadtong Hulyo nuebe ning tuiga sa Barangay 20 sa Gingoog City.

Dugang pa ni Supt. Pontillas,  nga gikwestyon matud pa sa mga suspek ang kalimpyo sa tindhan ni Paje ug kung dili matud pa kini mohatag sa ilang gipangayong usa ka milyon ka pesos, ilang ipasira ang establisemento niini ug ipapriso.


Facebook Comments