DUHA KA ORAS NGA BROWNOUT SA ADLAW’NG SABADO, LAUMAN

18

*General Santos City— Nakatakdang mapahigayon ug duha ka oras nga brown out ang SOCOTECO 2 sa adlaw’ng Sabado, Setyembre 14 gumikan sa himuong island mode operation test.*

*Sumala kang Joel Aton sa Sarangani Energy Corporation nga magsugod ang brown out sa tibuok area sa SOCOTECO 2 nga gilangkuban sa Gensan, Sarangani, Polomolok ug Tupi gikan alas 5 sa buntag hangtud na alas 7 sa buntag.*


*Pamahayag niini nga sulod sa duha ka oras, lauman ang palong-siga sa suplay sa kuryente apan gibutyag niini nga ayha mag-alas 7, ilahang panghikamutan nga makabalik na sa normal ang operasyon sa SOCOTECO 2.*

*Dugang pamahayag ni Aton nga posibleng anaa sa duha ngadto na katulo ka beses nga mapalong ang kuryente sa adlaw’ng sabado.*

*Sayay niini nga tumong sa maong pagpalong-siga sa kuryente mao ang ma-test ang ikaduhang planta sa Sarangani Energy Corporation aron usab masayran kung kaya ba niining masuplayan ug kuryente ang tibuok ginsakupan sa SOCOTECO 2 higayon nga dili makahatag ang National Grid Corporation Of The Philippines kon NGCP.*

*Paniguro niini nga kausa lang himuon ang moang island mode test sama matud pa sa ubang lugar nga ilahang nasulayan, rason nga ilahang ginapangayo ang pagsabot gikan sa mga konsyumante sa SOCOTECO 2.*

Facebook Comments

From Advertisers