Davao City – Pareho patay nang niabot sa Southern Philippines Medical Center (SPMC) ang giingong duha ka pusher human napusilan sa mga otoridad sa buy-bust operation sa Barangay 23-C, Mini Forest Boulevard ning syudad alas 12:35 sa gabii.
Tulo ka samad pinusilan sa dughan ang gikamatyan sa mga suspek nga sila si Cairoding Misuari, 25 anyos, ug laing usa nga wala pa mailhi ang pangalan niini, ug nagpuyo sa samang dapit.
Mibunot og pistola ang mga suspek ug dayon namusil sa mga pulis nga sakop sa Sta.Ana Police Station. Abtik nakabalos og pusil ang mga otoridad nga miresulta sa ilang kamatayon.
Gisuwayan pa og dala sa SPMC ang mga suspek apan deklaradong dead on arrival (DOA) sa attending physician.
Ang mga patay’ng lawas sa duha anaa na karon sa morgue sa maong ospital.
RadyoMaN Joel Viray
