Duha ka semana nga moratorium sa pagbalik sang OFWs, ginaduso

14

Nag-apelar si Mayor Evelio Bing Leonardia sa Overseas Workers Welfare Administration (OWWA) nga maghatag sang moratorium nga duha ka semana sa pagpabalik sang mga OFWs sa Bacolod City agud nga indi mabutang sa risgo ang bilog nga ciudad.

Ini ang gin-raise ni Councilor Renecito Novero, chairman sang Quarantine Centers Action Team sa atubang sang iya paandam sa delikado nga atubangon sang general community sa tion nga magsulobra ang pag-abot sang mga OFWs kag indi na masarangan sang mga hotel nga naga-accommodate para sa quarantine.


Sa sulat ni Mayor Bing kay OWWA administrator Hans Leo Cacdac, iya ginsiling nga ang duha ka semana nga moratorium ang para mahatagan man espasyo ang tanan kag ang mga ginahimo nga may kaangtanan sa quarantine measures.

Ginpahayag sang alkalde nga ang indi kontrolado nga numero sang mga nagapa-uli nga OFW sa ciudad ang posible maga-sobra sang sa available nga hotel facilities kon wala sang warning subong man ini ang magadugang sa kakapuy sang mga trabahante.

Nahibaluan nga ang amo nga sulat ang ginlagdaan man nanday Councilor Novero kag Israel Salanga, chairman sang Action Team on Returning OFWs.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments