Duha ka suspek sa pagkidnap sa anak ni Mayor Quimbo sa lungsod sa Labason, nadakpan sa checkpoint

Dipolog City – Malampuson nadakpan sa hiniusang pwersa sa kapolisan sa Zamboanga del Norte Provincial Public Safety Company (ZNPPSC) sa pagpangulo ni PCI Mohammad Hashim Sahidaini uban ang police personnel sa Dipolog City Police Station, ang duha ka suspetsado nga dunay kalambigitan sa pagkidnap sa anak ni Mayor Quimbo sa lungsod sa Labason, sa gimongtar niining Checkpoint sa Barangay Punta, dakbayan sa Dipolog kagahapon alas 2:00 pasado sa kaadlawon.

Ang kapolisan naila sa ilang nadakpan nga sila Jimmy Igpit Marababol, 36 anyos,minyo lumad nga taga D.B Neri St. Sto. Noño Guizo Mandadue City ug Raydes Villasin Sabandeja, 60 anyos, minyo nga taga Sitio Culo Lahug, Cebu City.

Subay sa nahipos nga report sa buhatan sa Dipolog PNP ang duha sakay sa nissan navara pick-up kolor puti dunay plaka numero OY 8791 sa dihang naharang sa mga polis ug nasakmit diha sa ilang posisyon ang lima ka bundle sa tag usa ka libo ka pesos nga sumatotal sa five hundred thousand pesos, duha ka hand grenade, usa ka unit sa .25 caliber ACP pistol nga dunay usa ka magazine nga kargado sa lima ka buhing bala, duha ka cell phone, tulo ka passbook, ingon man ID sa kidnap victim nga si Jelster Ed Quimbo, uban pang dukomento sa mga suspetsado.


Sumala pa sa kapolisan nga ang duha ka dinakapan may kalambigitan ug nitabang sa mga abductor pagdagit kang Jelster Ed Quimbo niadtong gabii sa Septiyembre 6, 2017 didto sa lungsod sa Labason, kini subay na sab pagila sa witness ug confidential informant.

Ang duha ka dinakpan gipriso na karon sa Dipolog City Police Station ug nag-atubang na sa patong-patong nga kaso nga gipasaka sa piskalya, kagahapon adlawa. (r.m)

Facebook Comments