Pagadian City – Gikustodiya na karon sa kapulisan ang duha ka mga suspetsado sa ginadiling droga human kini nadakpan pinaagi sa buy bust operation alas 4 kagahapon sa hapon sa may National Highway duol sa Bus stop sa Barangay Tawagan Sur, syudad sa Pagadian, ning probinsya.
Ang mga dinakpan mao sila si Jay Brian Abala Rivera alyas Jay, 33 anyos, ulitawo, usa ka beautician ug residente sa Capitol Heights, Balangasan, Pagadian City ug si James Nichole Abala Ellevera, alyas James 30 anyos, ulitawo, usa ka lab-asero ug residente sa Capitol Heights, Balangasan, Pagadian City.
Nakuha gikan sa mga suspetsado ang pipila ka pakete sa gitoohang shabu, mga aluminum foil, usa ka aluminium cover, 500 pesos nga salapi nga gigamit isip marked money, usa ka unit sa cellphone ug ang usa ka single motor.
Gibana-banang mokabat sa 3,500 ang kantidad sa nakumpiskang gitoohang shabu.
Ang mga dinakpan ang temporaryong gibalhog sa Pagadian City Police Station custodial facility ug mag-atubang sa kasong paglapas sa R.A 9165 o ang gitawag nga “Comprehensive Dangerous Drugs Act of 2002”.
